26 C
Colombo
Sunday, November 27, 2022
Google search engine
Homeආර්ථිකසී ෆුඩ් ලෝලීන් හට රසවත් අත්දැකීමක් ගෙන ඒමට Totally Hooked‍ සූදානම්

සී ෆුඩ් ලෝලීන් හට රසවත් අත්දැකීමක් ගෙන ඒමට Totally Hooked‍ සූදානම්

සී ෆුඩ් ලෝලීන් හට විශේෂ අත්දැකීමක් ලබා දෙමින්, කොළඹ නගරයේ නවතම සී ෆුඩ් අවන්හල  Totally Hooked අංක 173, ඩබ්ලිව්.ඒ සිල්වා මාවත, කොළඹ 06, යන ස්ථානයේ දී පසුගියදා උත්සවාකාරයෙන් විවෘත කරන ලදී.

සුවිශේෂී සී ෆුඩ් අවන්හලක් වන  Totally Hooked හි ප්‍රධාන අරමුණ වන්නේ අප රට වටා ඇති සාගරයෙන් ලබා ගත හැකි නැවුම් මුහුදු ආහාර විවිධත්වයක් සමඟින් සී ෆුඩ් ලෝලීන්ට පිළිගැන්වීමයි. ප්‍රවීණ සූපවේදීන් විසින් සකස් කරන ලද ප්‍රණීත සී ෆුඩ් ආහාර වට්ටෝරු රැසක් Totally Hooked වෙතින් පාරිභෝගිකයන්ට ලබාගත හැකිවේ.



සෑම විටම සිය පාරිභෝගිකයන් හට විශේෂ රස සංග්‍රහයක් ගෙන ඒමට ප්‍රයත්න දරන Totally Hooked වෙතින් හවුස් කට් ෆ්‍රයිස් සහ මෑෂ්ඩ් අල වැනි කවදත් සැමගේ ප්‍රියතම සාම්ප්‍රදායික ආහාර වර්ග මෙන්ම ජැමෙයිකානු ක්‍රමයට සකස් කරන ලද ඉරිඟු සහ වියළි ඉස්සන් සහිත අල වැනි වෙනස්ම රසයක් ගෙන දෙන නව ආහාර වර්ගද ඇතුළත් ප්‍රියජනක රාත්‍රී භෝජන සංග්‍රහයක් රසවිදිය හැක- සෞඛ්‍ය ගැන සැලකිලිමත් වන පුද්ගලයින් සඳහා විශේෂයෙන් සකස් කරන ලද සීසර් සලාද සහ සී ෆුඩ් සලාද නිසැකවම සිත් ඇදගන්නා තේරීමක් වනු ඇත. ලැක්සා සහ කේජන් ඉස්සන්ගේ සිට බැටර් ෆ්‍රයිඩ් දැල්ලන් හෝ බූවල්ලන් දක්වා මෙන්ම එදිනට අදාල සී ෆුඩ් සුප් එකක්ද මෙනුපතෙහි ඇතුළත් වේ. ගුණාත්මක බව සහතික කරමින් ප්‍රණීත සහ නිර්මාණශීලී ලෙස සකස් කරන ලද මිරිස් කකුළුවන්, ටූනා ස්ටේක්, පෙරි පෙරි ඉස්සන්, මාළු සහ චිප්ස් ඇතළු තවත් බොහෝ දේ Totally Hooked මෙනුවට ඇතුළත් වේ. අතුරු සහ ප්‍රධාන ආහාර වේල් වලට අමතරව රසවත් අතුරුපස සහ බීම වර්ගද ලබා ගනිමින් පාරිභෝගිකයන් හට සිය ආහාර වේල අවසන් කළ හැකිය.

මෙම නවතම සී ෆුඩ් අවන්හලෙහි ආරම්භය සම්බන්ධයෙන් අදහස් දක්වමින් එහි කළමනාකාරීත්වය සඳහන් කරන ලද්දේ “අපගේ දිගුකාලීන අපේක්ෂාවන් මල් ඵල ගන්වමින් මෙම අවන්හල විවෘත කිරීමට ලැබීම සම්බන්ධයෙන් අප ඉමහත් සතුටට පත් වෙනවා. අපගේ පාරිභෝගිකයන් ව මෙම නව සී ෆුඩ් අවන්හල වෙත පිළිගැනීමට අපි දිගු කලක සිට බලාපොරොත්තුවෙන් සිටියා. නමුත් මේ වන විට අප රට මුහුණ දෙමින් පවතින අභියෝගාත්මක තත්ත්වයන් හමුවේ එය ඉෂ්ට කර ගැනීමට අපිට තරමක කාලයක් ගත වුණා. ශ්‍රී ලංකාව සාගරයෙන් වට වූ දූපත් රාජ්‍යයක්, එබැවින් ලෝකයේ ඇති පුදුමාකාර මුහුදු ආහාර අප සතුව තිබෙනවා. අපට අවශ්‍ය වූයේ අප අවට ඇති මෙම සම්පත් ප්‍රයෝජනයට ගෙන සිංගප්පූරුවෙන් සහ ඇමරිකා එක්සත් ජනපදයෙන් ආභාසය ලත් කෑම වර්ගවලින් පිරුණු අව්‍යාජ සුවිශේෂී භෝජන අත්දැකීමක් නිර්මාණය කිරීමටයි. අපගේ රසවත් සී ෆුඩ් ආහාර වට්ටෝරු පිළියෙළ කරනු ලබන්නේ වසර ගණනාවක අත්දැකීම් ඇති ප්‍රවීණ සූපවේදීන් විසිනි. ඒ සියල්ලට අමතරව, අපි තිරසාර මෙහෙයුමක් ක්‍රියාත්මක කිරීමට බලාපොරොත්තු වෙනවා. එබැවින් තිරසාර හා අද්විතීය භෝජන අත්දැකීමක් ලබා දීම සඳහා පරිසර හිතකාමී ඇසුරුම් හඳුන්වා දී තිබෙනවා. අපගේ පාරිභෝගිකයන් අපගේ සී ෆුඩ් ආහාර වට්ටෝරු ප්‍රිය කරනු ඇති බවත්, නැවත නැවතත් අප වෙත පැමිණෙනු ඇති බවත් අපට විශ්වාසයි”



Totally Hooked දිනපතා දහවල් 12 සිට මධ්‍යම රාත්‍රී 12 දක්වා විවෘතව පවතී.  www.totallyhookedcmb.lk වෙත පිවිසීමෙන් වැඩි විස්තර ලබා ගත හැක.

RELATED ARTICLES